پاکستان
01 اگست ، 2016
01 اگست ، 2016 
وقاص شاہ قتل کیس ، فیصلہ 8 اگست تک مؤخر
01 اگست ، 2016
کراچی میں انسداد دہشتگردی کی عدالت نے ایم کیو ایم کارکن وقاص شاہ کے قتل کیس کا فیصلہ 8 اگست تک مؤخر کردیا۔
انسداد دہشتگردی کی عدالت نے وقاص شاہ قتل کیس کا فیصلہ جج کی رخصت کے باعث مؤخر کیا۔گزشتہ سماعت پر عدالت نے کیس کا فیصلہ یکم اگست تک مؤخر کیا تھا۔
وقاص شاہ 11 مارچ 2015 نائن زیرو پر چھاپے کے بعد احتجاج کے دوران فائرنگ سے جاں بحق ہو گیا تھا۔وقاص شاہ کے قتل کے الزام میں ایم کیو ایم کا ہی ایک اور کارکن آصف علی گرفتار ہے۔
قانون نافذ کرنے والے ادارے نے ملزم آصف علی کو شکار پور سے گرفتار کیا تھا۔ ملزم نے دوران تفتیش وقاص شاہ کو قتل کرنے کا اعتراف بھی کیا ہے۔
تفتیشی افسر کی رپورٹ کے مطابق ملزم آصف کی نشاندہی پر آلہ قتل بھی برآمد کرلیا گیا ہے۔
مزید خبریں :
