01 اگست ، 2016 
رینجرزکے خصوصی اختیارات میں 90 روز کی توسیع
01 اگست ، 2016
سندھ میں رینجرز کے قیام میں ایک سال اور انسداد دہشت گردی قانون کے تحت خصوصی اختیارات میں 90 روز کی توسیع کی منظوری دے دی گئی ۔ وزیراعلیٰ سید مراد علی شاہ نے منظوری دیتے ہوئے کہا کہ امید ہے رینجرز سندھ میں قیام امن کے لئے بھرپور کردار ادا کرے گی ۔
وزیراعلیٰ سندھ نے رینجرز کے معاملے پر چیف سیکریٹری ، سیکریٹری داخلہ، ایڈووکیٹ جنرل سندھ اور مشیر قانون سے مشاورت کی ۔
مشاورتی اجلاس کے بعد وزیراعلیٰ سید مراد علی شا ہ نے رینجرز کےقیام میں ایک سال اور خصوصی اختیارات میں 90 دن کی توسیع کی منظوری دے دی ۔ یہ سفارشات وفاقی وزارت داخلہ کو بھیجی جائیں گی جہاں سے حتمی نوٹی فکیشن جاری ہوگا۔
وزیراعلیٰ سندھ نے امید ظاہر کی ہے رینجرز اسی جذبے سے سندھ میں قیام امن کیلئے کردار ادا کرے گی،رینجرز کے خصوصی اختیارات صرف کراچی کے لئے مانگے گئے ہیں جبکہ دیگر شہروں میں خصوصی اختیارات پرخاموشی ہے۔
