مسعود خان آزادکشمیر کے صدر منتخب ہوگئے ۔مسعود خان کو 42 ووٹ ملے، چوہدری لطیف اکبر نے 6 ووٹ حاصل کئے۔

پولنگ صبح 10 سے 3 بجے تک قانون سا زاسمبلی کے لاجنگ ہال میں ہو ئی۔مسلم کانفرنس اور پی ٹی آئی نے صدر آزادکشمیر کے انتخاب کا بائیکاٹ کیا۔آزادکشمیر کے صدر کے انتخاب کے لیے مسلم لیگ ن نے سابق سفارت کار مسعود خان اور پیپلز پارٹی کی جانب سے چودھری لطیف اکبرکو نامزد کیا گیا تھا ۔

صدر آزادکشمیر سردار محمد یعقوب خان کی زیر صدارت آزادکشمیر اسمبلی اور کونسل کے مشترکہ اجلاس میں آزاد ریاست جموں وکشمیر کے نئے صدر کا انتخاب ہوا۔

مسلم لیگ ن کی جانب سے سابق سفارت کار مسعود خان کو صد ر منتخب ہو گئے، اس سے پہلے وہ کن اہم سرکاری عہدوں پر فائز رہے ۔ سابق سفارت کار مسعود خان کا تعلق آزاد کشمیر کے ضلع پونچھ کے علاقے کھڑک سے ہے ۔

آزاد کشمیر کا صدر بننے سے پہلے وہ پاکستان کے انسٹی ٹیوٹ آف اسٹریٹجک اسٹڈیز اسلام آباد کے ڈائریکٹر جنرل کے عہدے پرفائزتھے ۔ مسعود خان اقوام متحدہ میں پاکستان کے مستقل مندوب رہ چکے ہیں ۔

انہوںنے پاکستان کے سفیر کی حیثیت سے چین میں بھی خدمات انجام دیں ۔ انھوں نے پاکستان کی فارن سروس میں اپنی خدمات کا آغاز 1980میں کیا اس دوران وہ چین میں پاکستان کے تھرڈ سیکریٹری ، سیکنڈ سیکریٹری اوربطورسیکریٹری کام کر چکے ہیں ۔

مسعود خان اقوام متحدہ میں پولیٹیکل کونسلر، اقوام متحدہ کے جنیوا آفس میں کئی فورمز اور انٹرنیٹ گورننس کمیٹی کے چیئر مین کی حیثیت سے بھی اپنا نام کما چکے ہیں ۔

فارن سروس کے دوران انہوں نے دفترخارجہ میں سیکشن آفیسر ڈائریکٹر اکنامک کوآپریشن ، ڈائریکٹر سیکریٹری جنرل آفس ،ڈائریکٹر جنرل برائے ایسٹ ایشیا پیسفک اور دفتر خارجہ کے ترجمان کی حیثیت سے بھی فرائض سرانجام دیے ۔