پاکستان
17 اگست ، 2016
17 اگست ، 2016 
دھابیجی پمپنگ اسٹیشن میں آگ لگ گئی،پانی کی سپلائی معطل
17 اگست ، 2016
واٹر بورڈ حکام کا کہنا ہے کہ دھابیجی پمپنگ اسٹیشن پر آگ لگنے کے باعث آئندہ 48 گھنٹوں تک کراچی کے شہریوں کو پانی کی قلت کا سامنا رہے گا۔
واٹر بورڈ حکام کے مطابق دھابیجی پمپنگ اسٹیشن پر آگ لگنے کے باعث شہر کو 55 کروڑ گیلن پانی کی فراہمی رک گئی ہے۔
دوسری جانب ترجمان کے الیکٹرک نے بتایا کہ دھابیجی گرڈ اسٹیشن پر آگ لگنے سے کوئی جانی نقصان نہیں ہوا، کے الیکٹرک کاعملہ موقع پر موجود رہا جبکہ فائر بریگیڈ کو بھی طلب کرلیا گیا، تاہم حفاظتی اقدامات کے پیش نظر دھابیجی پر بجلی کی فراہمی منقطع کی گئی تھی۔
