12 ستمبر ، 2016 
پشاور میں سبزیوں کی قیمتیں آسمان کو چھونے لگیں
12 ستمبر ، 2016
پشاور میں سبزی کی قیمتوں میں عید الضحیٰ کی آمد کے ساتھ پر لگ گئے ہیں ،2 دن پہلے تک 20 روپے کلو فروخت ہونے والے ٹماٹر 60 روپے کلو میں فروخت ہونے لگے ہیں۔
پشاور میں عید الضحیٰ کی آمد کے ساتھ ہی سبزیوں کی قیمتیں آسمان کو چھونے لگی ہیں، عید پر استعمال ہونے والی سبزیوں میں ٹماٹر جو دو روز قبل تک 20 روپے کلو میں فروخت ہوتے تھے ، اب 60 روپے کلو میں فروخت ہو رہے ہیں۔
ادرک جو کہ 150 روپے کلو میں فروخت ہوتی تھی ،اب280 روپے میں فروخت ہو رہی ہے، 150 روپے کلو میں فروخت ہونے والا لہسن 250 روپے کلو میں فروخت ہو رہا ہے، دھنیا اور پودینہ کی قیمتوں میں بھی 2 گنا اضافہ کیا گیا ہے۔
قیمتوں کو کنٹرول کرنے کے لئے ضلعی حکومت کی جانب سے قائم پرائس کنٹرول کمیٹیاں بھی کہی نظر نہیں آرہی ہیں جبکہ سرکاری نرخ نامے کو بھی خاطر میں نہیں لایا جارہا ہے۔
مزید خبریں :
نیپرا نے کے الیکٹرک کیلئے 7 سالہ ٹیرف کی منظوری دیدی
6 گھنٹے پہلے
آئندہ مالی سال کیلئے وفاقی بجٹ 10جون کو پیش کیا جائے گا
11 گھنٹے پہلے
ملک میں سونے کی قیمت کمی آگئی
22 مئی ، 2025
