07 اکتوبر ، 2016 
شام کے تنازع پر امریکا اور روس میں تعلقات مزید کشیدہ
07 اکتوبر ، 2016
شام کے تنازع پر امریکا اور روس میں تعلقات مزید کشیدہ ہوگئے، امریکا کی شامی فوج کے خلاف کارروائی پر غور کے بعد روس نے امریکا کو دھمکی دے ڈالی، روسی وزارت دفاع کے مطابق شام میں حکومتی فورسز پر حملہ کرنےوا لے طیاروں کو مار گرا دیاجائے گا۔
روسی وزارت دفاع نے امریکا کو خبردار کیا ہے کہ اگر امریکی اتحادی طیارے شام میں حکومتی فورسز پر فضائی حملے کرینگے تو روسی فورسز اتحادی طیارے مار گرائیں گی۔
امریکی حکام نے بشار الااسد پر مزاکرات کیلئے دباؤ بڑھانے کیلئے شامی فوج کے خلاف کارروائی پر غور شروع کردیاہے، جس پر روسی فوج کے سربراہ کے ترجمان کاکہنا ہے کہ اگر شام کے حکومتی علاقوں میں فضائی حملے کئے گئے تو اسے روسی اہلکاروں کے خلاف واضح خطرہ سمجھا جائے گا۔
روس نے شام میں جدید دفاعی سسٹم نصب کررکھا ہے جو کروز میزائل کو روکنے کی صلاحیت بھی رکھتا ہے۔ 17 ستمبر کو شام میں امریکی اتحادی فضائی حملے میں حکومتی فورسز کے درجنوں اہلکار مارے گئے تھے۔
مزید خبریں :
غزہ میں قحط کا خطرہ بڑھ رہا ہے: اقوام متحدہ نے خبردار کردیا
29 نومبر ، 2024
چین میں سونے کا سب سے بڑا ذخیرہ دریافت
29 نومبر ، 2024
مالی حالات سے تنگ والدین نے اپنی 4 سالہ بیٹی کو بیچ دیا
29 نومبر ، 2024
