دنیا
22 جون ، 2012
22 جون ، 2012 
افغانستان میں امریکی ہیلی کاپٹر گر کر تباہ، سیلاب سے 16 افراد ہلاک
22 جون ، 2012
کابل … افغانستان کے صوبہ خوست میں امریکی ہیلی کاپٹر گر کر تباہ، صوبہ فاریاب میں سیلاب سے 16 افراد ہلاک ہو گئے۔ میڈیا رپورٹس کے مطابق امریکی چینوک ہیلی کاپٹر صوبہ خوست میں فوجی آپریشن کے دوران تباہ ہوا۔ ایساف نے بھی حادثہ کی تصدیق کی ہے تاہم کسی فوجی کے ہلاک یا زخمی ہونے کی تفصیل نہیں بتائی۔ خوست کے بھرے بازار میں خودکش حملہ میں تین نیٹو فوجیوں سمیت 20 افراد ہلاک ہو گئے تھے۔ اُدھر شمالی صوبہ فاریاب میں ضلع المار کے گاؤں دبسی اور قورے میں تباہ کن سیلاب سے سیکڑوں گھر منہدم ہو گئے، جس کے نتیجے میں 16 افراد کی ہلاکت کی اطلاعات ہیں۔ ضلعی سربراہ صالح محمد نے بتایا کہ 16 لاپتہ افراد میں 12 کی نعشیں مل گئی ہیں جبکہ باقی افراد کی تلاش جاری ہے۔
