18 نومبر ، 2016 
ضرب عضب سے امن و ترقی کی مضبوط بنیاد رکھی ،آرمی چیف
18 نومبر ، 2016
آرمی چیف جنرل راحیل شریف نے کہا ہے کہ آپریشن ضرب عضب نے ملک میں امن وترقی کی مضبوط بنیاد رکھی ہے،طلبہ ملک کو نئی بلندیوں تک لے جانے میں اہم کردار ادا کرسکتے ہیں۔
آرمی چیف نے گورنمنٹ کالج یونیورسٹی لاہور کا دورہ کیااور اپنی مادر علمی میں طلبہ اور اساتذہ سے ملاقات کی، اس موقع پر خطاب کرتے ہوئے جنرل راحیل شریف نے کہا کہ گورنمنٹ کالج یونیورسٹی لاہور نے عالمی سطح کے دانشور، فنکاراورسائنسدان پیدا کرنے میں مرکزی کردار ادا کیا ۔
آرمی چیف جنرل راحیل شریف نے کہا کہ طلبہ اللہ پر یقین رکھتے ہوئے سخت محنت کے ذریعے عزت اور وقار کے لیے جدوجہد کریں،پاکستانی ایک عظیم قوم ہیں اور افرادی قوت ہمارا اثاثہ ہے۔
آئی ایس پی آر کے مطابق آرمی چیف نے اپنے دور طالب علمی کی یاد تازہ کرنے کے لیے مختلف شعبوں کا دورہ کیا اور طلبہ کی بہترین تعلیم و تربیت پر اساتذہ اور انتظامیہ کو خراج تحسین پیش کیا۔
مزید خبریں :
خیبر پختونخوا حکومت کا صوبے میں 3 روز ہ سوگ کا اعلان
2 گھنٹے پہلے
ایمنڈ کی صحافی مطیع اللہ جان کی گرفتاری کی مذمت
8 گھنٹے پہلے
