21 نومبر ، 2016 
دہشتگردوں کیخلاف جنرل راحیل کا تجربہ قیمتی ہے، وزیر دفاع
21 نومبر ، 2016
وزیردفاع خواجہ آصف نے آرمی چیف کو خراج تحسین پیش کرتے ہوئے کہا کہ دہشت گردی کے خلاف جنگ میں جنرل راحیل شریف کا تجربہ قیمتی ہے ،ریٹائرمنٹ کے بعدان کی خدمات جاری رکھنے سے متعلق کسی تجویز کا علم نہیں۔
خواجہ آصف نے کہا کہ جنرل راحیل شریف کی قیادت میں پاک فوج کو وہ کامیابیاں ملیں جو دنیا کی کسی فوج کے حصے میں نہیں آئیں ،جس طرح ادارے کو مضبوط کرکے جارہےہیں یہ بہت بڑا کردار ہے۔
انہوں نے مزید کہاکہ جنرل راحیل شریف سینئر موسٹ جنرلز کی فہرست بھجوائیں گے، وزیراعظم چناؤ کریں گے ،آرمی چیف کی تقرری وزیراعظم کی صوابدید ہے۔
وزیردفاع نے کہا کہ وزیراعظم جنرل راحیل اور دیگر رفقا کی مشاورت سے فیصلہ کریں گے ،ریٹائرمنٹ کے بعد جنرل راحیل شریف کی خدمات جاری رکھنے سے متعلق کوئی تجویز زیر غور ہے تو اس کا علم نہیں۔
