پاکستان
22 دسمبر ، 2016
22 دسمبر ، 2016 
40ارب کا ڈھنڈورا پیٹ کر 2ارب وصول کر رہے ہیں: طلعت حسین
22 دسمبر ، 2016
’جیو نیوز‘ کے پروگرام ’نیا پاکستان‘ کے اینکر اور سینئر تجزیہ کار طلعت حسین نے نیب کو سخت تنقید کا نشانہ بناتے ہوئے کہا ہے کہ پہلے چالیس ارب روپے کی بدعنوانی کا ڈھنڈورا پیٹا جاتارہا اب صرف دو ارب روپے وصول کیے جارہے ہیں۔
انہوں نے مزید کہا کہ یہ تو ایسا ہی ہے کہ چوری کرنے والے کو معاشرے میں دوبارہ عزت دار بنادیا جائے۔
ارکان پارلیمنٹ نے بھی نیب قانون کی پلی بارگین شق کو شرم ناک قرار دیا ہے، پیپلزپارٹی کے سینیٹرسلیم مانڈوی والا کہتے ہیں کہ اس قانون سے بدعنوانی بڑھی، اسے ختم ہونا چاہیے۔
سینیٹر نہال ہاشمی کا کہنا ہے کہ پلی بارگین کوختم نہ کرنا ان کی حکومت کی کوتاہی ہے۔
