27 دسمبر ، 2016 
مودی کی نوٹ بندی بدعنوانی روکنے میں ناکام ہوگئی، راہول گاندھی
27 دسمبر ، 2016
بھارتی اپوزیشن جماعت کانگریس کے رہنما راہول گاندھی نے الزام لگایا ہے کہ وزیراعظم مودی کی نوٹ بندی کی پالیسی ملک میں بدعنوانی اور کالے دھن کو روکنے میں ناکام ہوگئی،مغربی بنگال کی وزیراعلیٰ ممتا بنر جی کہتی ہیں کہ مودی نے بھارت کو بیس سال پیچھے دھکیل دیا۔
نئی دلی میں پریس کانفرنس کرتے ہوئے راہول گاندھی نے کہا کہ ملک میں ایک نئی بلیک مارکیٹ بن گئی جہاں متروک کرنسی نوٹ خریدے اور بیچے جارہے ہیں، راہول گاندھی نے الزام عائد کیا کہ انکم ٹیکس کے چھاپوں میں انکشاف ہوا کہ نریندر مودی کو انکی وزارت اعلیٰ کے دور میں بڑے اداروں نے بھاری سرمایہ فراہم کیا۔
راہول گاندھی نے کہا کہ سہارا گروپ نے چالیس کروڑ اور آدیتیا برلا گروپ نے بارہ کروڑ روپے مودی کو دیے، مغربی بنگال کی وزیراعلیٰ ممتا بنر جی نے موجودہ صورت حال کو سپر ایمرجنسی قرار دے دیا، انہوں نے سوال اٹھایا کہ اگر اگلے پچاس دنوں میں صورت حال معمول پر نہ آئی تو کیا مودی اپنے عہدے سے استعفیٰ دیں گے۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
