04 جنوری ، 2017 
شمالی کوریا کو جوہر ی پروگرام پر پیچھے دھکیلیں گے،جنوبی کوریا
04 جنوری ، 2017
جنوبی کوریا نے کہا ہے کہ رواں سال شمالی کوریا کو اس کے جوہری پروگرام سے پیچھے دھکیلنے کے لئے کوششیں اور پالیسیاں مضبوط کی جائیں گی ۔
ملکی خبررساں ادارے کے مطابق حکومتی بیان میں کہا گیا ہے کہ شمالی کوریا کے خلاف پابندیوں کے اقدامات میں مزید یکطرفہ پابندیاں اور عالمی دبائو میں اضافہ شامل ہے ۔
بیان کے مطابق رواں سال شمالی کوریا خود کو ایک جوہری طاقت کے طور پر منوانے کے لئے بھرپور کوششیں کرے گا تاہم سیول ملک کو اپنے عزائم میں کامیاب ہونے سے روکنے کے لئے تمام تر اقدامات کرے گا۔
بیان میں مزید کہا گیا کہ جنوبی کوریا امریکہ ، چین اور جاپان کے ساتھ تعلقات کو مضبوط کرنے اور شمالی کوریا کو عالمی سطح پر تنہا کرنے کے لئے بھی تمام تر سفارتی ذرائع کا استعمال کرے گا ۔
مزید خبریں :
رتن ٹاٹا کی وصیت میں کس کو کیا ملا؟
9 گھنٹے پہلے
میکسیکو میں بس کھائی میں گرنے سے 19 افراد ہلاک
11 گھنٹے پہلے
