28 جنوری ، 2017 
سندھ کی لاپتا حکومت کو بازیاب کرایا جائے، نہال ہاشمی
28 جنوری ، 2017
کاشف مشتاق...کراچی کی بدترین انتظامی صورتحال پر سینیٹر نہال ہاشمی نے تبصرہ کرتے ہوئے کہا ہے کہ سندھ کی لاپتا حکومت کو بازیاب کرایا جائے،سندھ میں ن لیگ کی حکومت ہوتی تو نواز شریف کے چاہنے والوں کا شہر کھدا ہوا نہیں ہوتا۔
کراچی میں پاکستان مسلم لیگ ن کے زیر اہتمام ’ شکریہ نواز شریف ریلی‘ نکالی گئی،سرجانی ٹاؤن سے گرومندر تک نکالی گئی ریلی میں پارٹی کارکنوں سمیت شہریوں نے بڑی تعداد میں شرکت کی۔
ریلی سے خطاب کرتے ہوئے نہال ہاشمی نے کہا کہ عوام نے ثابت کر دیا کہ کراچی ن لیگ کا شہر ہے،وفاقی حکومت کے تحت یہاں ترقیاتی کام تیزی سے جاری ہیں،ریلی کیلئے نہ کوئی بینر لگایا نہ اشتہار دیا، بس ایک ایس ایم ایس پر پورا شہر امڈ آیا ہے۔
نہال ہاشمی کا یہ بھی کہنا تھاکہ کراچی اب بھتہ خوروں اور سٹے بازوں کا نہیں، بلکہ خدمت کرنے والوں کا شہر ہے۔
مزید خبریں :
