50 سال بعد برطانیہ میں بھاپ سے چلنے والی ریل گاڑی ایک بار پھر بحال کردی گئی ۔سروس جمعرات تک جاری رہے گی ۔ٹکٹ کٹانے والوں کی لائنیں لگ گئیں ۔

برطانوی میڈیا کے مطابق بھاپ سے چلنے والے ریل کے انجن کی تیاری پر تیس لاکھ پائونڈ لاگت آئی اور اس میں اٹھارہ سال کا عرصہ لگا ۔ یہ 120 کلومیٹر فی گھنٹہ کی رفتار سے دوڑنے کی صلاحیت رکھتا ہے ۔

یہ ریل گاڑی یارکشائر کی حسین وادیوں سے گزری تو دیکھنے والے دم بخود رہ گئے ۔

حکام کے مطابق فی الحال اس سروس کو تین دن کے لیے بحال کیا گیا ہے اور باقاعدہ سروس کا آغاز 31 مارچ سے ہوگا ۔