ممبئی …بالی ووڈ کے صفِ اول کے اداکار سنجے دت اور بالی ووڈ کنگ شاہ رخ خان کے بعد اب مایہ ناز اداکارہ کاجول بھی ہدایت کارو پروڈیوسرکرن جو ہر کی نئی فلم" اسٹوڈنٹ آف دی ائیر" میں بطورِ مہمان اداکارہ جلوہ گر ہو نگی۔نو جوانوں کے مو ضوع پر بنائی جا نے والی اس فلم کے ہدایتکار خود کرن جوہر ہیں جسے شاہ رخ خان پر وڈیوس کر رہے ہیں۔ کر ن جو ہر کی خواہش پر ناصرف سنجے دت بلکہ کنگ خان اور کاجول نے بھی اپنی مصروفیات میں سے وقت نکال کر نو جوانوں کی اس فلم میں مہمان اداکار کے طور پر اپنی فنکارانہ صلا حیتیں پیش کر نے کیلئے ہامی بھر لی ہے۔حیرت انگیز طور پر کر ن جو ہر نے بطورِ ہدایت کار اس فلم میں رانی مکھرجی ،کاجول اور شاہ رخ خان کے بجائے مر کزی کاسٹ میں تین نوجوان اداکاروں کو کا سٹ کیا ہے جس میں ہدایت کارڈیوڈ دھون کے صاحبزادے ورون دھون ،مہیش بھٹ کی صاحبزادی عالیہ بھٹ اور سدھارتھ ملہوترا شامل ہیں۔واضح رہے کہ کرن جوہر کاجول کو اپنے لیے لکی چارم سمجھتے ہیں جن کی فلم میں شمولیت اور انکے ساتھ کوئی حادثہ فلم کی کامیابی کی ضمانت مانا جاتا ہے لہٰذا اب دیکھنا یہ ہے کہ19اکتوبر کو سینما گھروں کی زینت بننے والی یہ فلم اُمیدوں پرکھرا اُتر پاتی ہے یا نہیں؟