04 جولائی ، 2012 
پشاور میں بھی بجلی کی بندش کے خلاف عوام سڑکوں پر
04 جولائی ، 2012
پشاور… پشاور کے علاقے تہکال میں بجلی کی طویل بندش کے خلاف سینکڑوں افراد سڑکوں پر نکل آئے اور یونیورسٹی روڈ پر رکاوٹیں کھڑی کرکے ٹریفک بلاک کردی۔بدھ کی صبح سات بجے تہکال کے سینکڑوں رہائشی بجلی کی طویل بندش کے خلاف گھروں سے باہر نکل آئے اور یونیورسٹی روڈ پر پتھر اور رکاوٹیں کھڑی کرکے ٹریفک بلاک کردی اور سڑک پر دھرنا دے کر بیٹھ گئے۔ سڑک کی بندش کے باعث یونیورسٹی روڈ کی دونوں جانب سینکڑوں گاڑیوں کی قطاریں لگی ہوئی ہیں اور مسافروں کو شدید مشکلات کا سامنا ہے۔ انتظامیہ نے مظاہرین سے مذاکرات کرکے مسئلے کا حل تلاش کرنے کی بجائے صدر اور شمع چوک سے یونیورسٹی روڈ کی طرف جانے والی گاڑیوں کا رخ موڑ دیا ہے۔ تین گھنٹے مصروف یونیورسٹی روڈ بند ہونے کے باوجود تاحال انتظامیہ خاموش ہے۔ مظاہرین کا کہنا ہے کہ علاقے میں روزانہ بائیس گھنٹے بجلی بند رہتی ہے جس سے ان کی زندگی اجیرن ہوگئی ہے۔
