30 اپریل ، 2017
امریکا نے افغانستان میں داعش کمانڈر عبد الحسیب کو ایک آپریشن میں ہلاک کرنے کا دعویٰ کیا ہے۔
امریکی محکمہٴ دفاع کی جانب سے جاری کردہ بیان کے مطابق افغانستان میں داعش کے سربراہ عبدالحسیب لوگری کو امریکی فوج کے ایک آپریشن میں ہلاک کر دیا گیا ہے۔ آپریشن کے دوران دو امریکی فوجی بھی ہلاک ہوئے۔
رواں ہفتے پاکستانی سرحد کے قریب واقع صوبے ننگرہار میں کی جانے والی کارروائی کا ہدف عبدالحسیب لوگری تھا جسے امریکی محکمہٴ دفاع کی جانب سے افعانستان میں دہشت گرد تنظیم ’اسلامک اسٹیٹ‘ کا سربراہ قرار دیا جاتا تھا۔