15 جولائی ، 2012 
حکمرانوں نے عوامی مرضی کے بغیرنیٹوسپلائی بحال کی،لیاقت بلوچ
15 جولائی ، 2012
لاہور…سیکرٹری جنرل جماعت اسلامی پاکستان لیاقت بلوچ نے کہا ہے کہ ملک کانظام بغیرکسی پلاننگ کے عجلت کے ساتھ چلایاجارہا ہے حکمران عوام پربوجھ بن چکے ہیں،ان خیالات کااظہارانہوں نے ٹاوٴن شپ میں استقبال رمضان تقریب سے خطاب کرتے ہوئے کیا۔لیاقت بلوچ نے کہا کہ توہین عدالت اوردوہری شہریت کے بل مٹھی بھرافرادکے مفادات کوتحفظ دینے کیلئے بنائے گئے ہیں جن کوعوامی تائید حاصل نہیں، محب وطن جماعتوں کواس پرشدیدتحفظات ہیں امید ہے کہ سپریم کورٹ بھی ان بلوں کومستردکردے گی۔انہوں نے کہا کہ حکمرانوں نے عوامی منشا ومرضی کے بغیرنیٹوسپلائی لائن بحال کی ہے جبکہ ڈرون حملے بھی حکومت کی اجازت سے ہی ہورہے ہیں جس میں معصوم شہری مارے جارہے ہیں۔لیاقت بلوچ نے کہاکہ دفاع پاکستان کونسل کاایک ہی مقصد ہے اوروہ ہے ملک کادفاع ،عوام ہماراساتھ دیں۔
مزید خبریں :
پاکستان کا سفارتی وفد دورہ برطانیہ کے بعد برسلز پہنچ گیا
12 گھنٹے پہلے
عمران خان کی رہائی نظر نہیں آرہی، علیمہ خان
11 جون ، 2025
