زینب قتل کیس: ملزم کی ایک اور سی سی ٹی وی وڈیو سامنے آگئی

قصور میں زینب کے ساتھ زیادتی اور قتل کے ملزم کی ایک اور سی سی ٹی وی وڈیو سامنے آگئی۔

قصور میں 7 سالہ کمسن لڑکی زینب کو زیادتی کا نشانہ کر قتل کیا گیا جس کی لاش 9 جنوری کو ضلع قصور میں ہی کچرا کنڈی سے ملی۔

قصور واقعے کےخلاف اگلے روز سے ہی شہر میں ہنگامے اور پرتشدد احتجاج پھوٹ پڑے جب کہ اس دوران پولیس کی فائرنگ سے 2 افراد بھی جاں بحق ہوئے۔

زینب قتل: پولیس نے قصور سے ایک اور مشتبہ شخص کو حراست میں لے لیا

حراست میں لیے گئے شخص کا نام رانجھا ہے اور اس کا گھر اس جگہ واقع ہے جہاں سے زینب کی لاش ملی تھی

چیف جسٹس پاکستان نے واقعے کا نوٹس لے رکھا ہے لیکن پولیس اب تک ملزم کو پکڑنے میں ناکام ہے۔

جمعے کو موصول ہونے والی سی سی ٹی وی ویڈیو میں ملزم زینب کے گھر کے پاس چکر لگاتا نظر آرہا ہے۔

وڈیو میں ملزم 4 جنوری کی شام 7 بج کر 12 منٹ پر گلی سے گزرتا دکھائی دیتا ہے۔

واضح رہےکہ واقعے کے بعد وزیراعلیٰ پنجاب شہبازشریف نے ڈی پی او قصور ذوالفقار احمد کو عہدے سے ہٹا کر او ایس ڈی بنا دیا جس کے بعد زاہد نواز مروت ڈی پی او قصور تعینات کر دیئے گئے۔

زینب قتل واقعے پر قوم کا سر شرم سے جھک گیا، چیف جسٹس پاکستان

اس واقعے پر مجھ سے زیادہ میری اہلیہ گھر میں پریشان تھیں، جسٹس میاں ثاقب نثار

تحقیقات کے سلسلے میں قصور میں 100 سے زائد افراد کے ڈی این اے بھی لیے گئے ہیں تاہم ابھی کسی کی ملزم کے ڈی این اے سے میچنگ نہیں ہوسکی۔