03 فروری ، 2012 
کراچی : مختلف علاقوں میں فائرنگ، پولیس اہلکاروں سمیت 6 افراد ہلاک
03 فروری ، 2012
کراچی … کراچی کے مختلف علاقوں میں نامعلوم افراد کی فائرنگ سے 2 پولیس اہلکاروں سمیت6 افراد جاں بحق ہوگئے۔ پولیس کے مطابق منگھوپیر میں نامعلوم ملزمان کی فائرنگ سے ایک شخص ہلاک جبکہ ایک شخص زخمی ہوگیا۔ دونوں افراد کی شناخت پولیس اہلکار ندیم عباسی اور آصف کے نام سے ہوئی جن میں سے ندیم عباسی موقع پر ہی دم توڑ گیا جبکہ آصف اسپتال میں زخموں کی تاب نہ لاتے ہوئے چل بسا۔ صدر میں بھی فائرنگ سے ایک شخص ہلاک ہوگیا۔ شیرشاہ میں لیاری ایکسپریس وے کے قریب نامعلوم ملزمان کی فائرنگ سے ایک شخص ہلاک ہوگیا، مقتول کی شناخت 35 سالہ فرید اللہ کے نام سے ہوئی ہے۔ یونیورسٹی روڈ پر سمامہ شاپنگ سینٹر کے قریب نامعلوم افراد نے فائرنگ کرکے 25 سالہ عرفان کو قتل کردیا،پولیس کا کہنا ہے کہ ابتدائی تفتیش سے واقعہ دشمنی کا نتیجہ لگتا ہے۔ سپرہائی وے پر گنا منڈی کے قریب فائرنگ کے واقعے میں 30 سالہ سخی جان ہلاک ہوگیا، مقتول کی لاش کو پولیس کارروائی کے لئے عباسی شہید اسپتال لے جایا گیا ہے۔
