28 مئی ، 2018 
پاکستان
دونوں میاں بیوی سعودی عرب جارہے تھے اور خوشاب کے رہائشی ہیں— فوٹو:فائل
لاہور سے عمرے کی ادائیگی کیلئے جانے والے میاں بیوی سے 3 کلو ہیروئن برآمد
28 مئی ، 2018
لاہور: اینٹی نارکوٹکس فورس نے عمرے کی ادائیگی کے لیے سعودی عرب جانے والے جوڑے سے لاکھوں روپے مالیت کی 3 کلو ہیروئن برآمد کرلی۔
اے این ایف کے اہلکاروں نے لاہور کے علامہ اقبال انٹرنیشنل ایئر پورٹ پر کارروائی کرتے ہوئے سعودی عرب ہیروئن اسمگلنگ کی کوشش ناکام بنا دی۔
اے این ایف حکام کے مطابق عمرے کی ادائیگی کے لیے سعودی عرب جانے والے میاں بیوی کے سامان سے 3 کلوہیروئن برآمد ہوئی جس کی مالیت عالمی منڈی میں لاکھوں روپے بنتی ہے۔
اینٹی نارکوٹکس حکام کے مطابق خوشاب کے رہائشی میاں بیوی کو گرفتار کر کے تحقیقات کا آغاز کر دیا گیا ہے۔
