Can't connect right now! retry

پاکستان
12 جولائی ، 2018

سرکاری ہیلی کاپٹر کا استعمال: نیب نے عمران خان کو 18 جولائی کو طلب کرلیا

نیب نے سرکاری ہیلی کاپٹر کے استعمال سے متعلق سوالنامہ بھی تیار کرلیا۔ فوٹو: فائل

پشاور: قومی احتساب بیورو (نیب) خیبرپختونخوا کے سرکاری ہیلی کاپٹر کے استعمال سے متعلق کیس میں چیئرمین تحریک انصاف عمران خان کو طلب کرلیا۔

ذرائع کے مطابق نیب نے عمران خان کو 18 جولائی کو طلب کرلیا جب کہ اس سے قبل نیب نے سرکاری ہیلی کاپٹر کے استعمال سے متعلق سوالنامہ بھی تیار کرلیا۔

ذرائع کا کہنا ہے کہ عمران خان سے سرکاری ہیلی کاپٹر کے استعمال کے بارے سوالات پوچھے جائیں گے۔

یاد رہے کہ چیئرمین نیب جسٹس (ر) جاوید اقبال نے 2 فروری کو عمران خان کی جانب سے خیبرپختونخوا حکومت کے 2 ہیلی کاپٹرز کو غیرسرکاری دوروں کے لئے نہایت ارزاں نرخوں پر استعمال کا نوٹس لیتے ہوئے انکوائری کا حکم دیا تھا۔

نیب کی جانب سے جاری اعلامیے میں کہا گیا تھا کہ عمران خان ایم آئی 17 پر 22 گھنٹے اور ایکیوریل ہیلی کاپٹر پر 52 گھنٹے پرواز کی اور اوسطاً 28 ہزار روپے کے حساب سے 74 گھنٹوں کے 21 لاکھ 7 ہزار 181 روپے ادا کیے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM