28 جولائی ، 2012 
اسٹیٹ بینک کا ایکسپورٹرز کو کپاس برآمد کرنے کی اجازت دینے سے انکار
28 جولائی ، 2012
کراچی … تین سالہ تجارت کی معیاد ختم ہونے کے بعد ٹریڈ ڈیولپمنٹ اتھارٹی کی جانب سے ہدایت نہ ملنے کے باعث اسٹیٹ بینک نے ایکسپورٹرز کو کپاس برآمد کرنے کی اجازت دینے سے انکار کردیا۔ انڈسٹری ذرائع نے جیو نیوز کو بتایا کہ اسٹیٹ بینک سے رابطہ کرنے پر انہیں بتایا گیا کہ کپاس برآمد کرنے کی اجازت نہیں دی جاسکتی اور اس سلسلے میں ٹریڈ ڈیولپمنٹ اتھارٹی سے بھی کوئی ہدایات موصول نہیں ہوئیں۔ انڈسٹری ذرائع نے بتایا کہ ٹی ڈیپ کا موٴقف ہے کہ 3 سالہ تجارتی پالیسی جون 2012ء میں ختم ہوچکی ہے، نئی پالیسی آنے کے بعد ہی کپاس کی برآمد کے حوالے سے کوئی فیصلہ لیا جاسکے گا۔ انڈسٹری ذرائع نے حیرانی کا اظہار کیا کہ اگر یہ بات ہے تو پھر دھاگے اور دیگر مصنوعات کس پالیسی کے تحت برآمد ہورہی ہیں۔ انڈسٹری ذرائع کا کہنا ہے کہ کپاس برآمد کرنے کی اجازت نہ ملنے سے وہ بین الاقوامی کنٹریکٹس پورے نہیں کرپائیں گے، جس سے ملک کی بدنامی ہوگی، جبکہ زرمبادلہ کا نقصان اس کے علاوہ ہوگا۔
مزید خبریں :
پاکستان اسٹاک ایکسچینج میں آج کاروبار کا منفی دن رہا
12 گھنٹے پہلے
سونےکی فی تولہ قیمت میں مزیدکمی، نئی قیمت کتنی ہوگئی؟
12 گھنٹے پہلے
سونے کی فی تولہ قیمت سیکڑوں روپے کم ہوگئی
16 جون ، 2025
اسٹیٹ بینک کا شرح سود 11 فیصد پر برقرار رکھنے کا اعلان
16 جون ، 2025
