17 اکتوبر ، 2018 
پاکستان
ٹاسک فورس کے دفاتر تمام ائیرپورٹس اور صوبوں میں بنائے جائیں گے، ذرائع — فوٹو:فائل
وفاقی حکومت کا منی لانڈرنگ روکنے کیلئے ٹاسک فورس بنانے کا فیصلہ
17 اکتوبر ، 2018
اسلام آباد: وفاقی حکومت نے منی لانڈرنگ روکنے کیلئے بھی ٹاسک فورس بنانے کا فیصلہ کرلیا۔
اس سے قبل وفاقی کابینہ نے بیرون ملک سے رقوم واپس لانے کا فیصلہ کیا جس کیلئے ٹاسک فورس بھی قائم کی گئی ہے۔
ذرائع کے مطابق ٹاسک فورس کے دفاتر تمام ایئرپورٹس اور صوبوں میں بنائے جائیں گے جس کے سربراہ وفاقی سیکریٹری داخلہ ہوں گے جب کہ صوبائی سطح پر چیف سیکریٹریز ٹاسک فورس کی سربراہی کریں گے۔
ذرائع کا کہنا ہے کہ ٹاسک فورس میں تمام حساس اداروں، نیب، اےاین ایف اور ایف آئی اے کے حکام شامل ہوں گے تاہم منی لانڈرنگ سے متعلق ٹاسک فورس کے قیام کی حتمی منظوری وزیر اعظم دیں گے۔
