08 دسمبر ، 2018 
پاکستان
مراکش، کیوبا اور سربیا کے سفیروں نے بھی چارج چھوڑ دیا: فوٹو فائل
(ن) لیگ کے دور میں تعینات کیے جانے والے 5 سفیروں نے چارج چھوڑ دیا
08 دسمبر ، 2018
اسلام آباد: مسلم لیگ (ن) کے گزشتہ دورِ حکومت میں تعینات کیے جانے والے 5 سفیروں نے عہدے چھوڑ دیئے۔
گزشتہ دورِ حکومت میں تعینات کیے جانے والے سفیروں کو دفتر خارجہ نے 7 دسمبر تک عہدے چھوڑنے کی ڈیڈ لائن دی تھی جو آج ختم ہوگئی۔
ذرائع کے مطابق حکومتی ڈیڈ لائن پر کینیڈا میں تعینات پاکستانی ہائی کمشنر طارق عظیم خان اور سعودی عرب میں سفیر خان حشام بن صدیق نے عہدے کا چارج چھوڑ دیا۔
اس کے علاوہ و مراکش، کیوبا اور سربیا کے سفیروں نے بھی چارج چھوڑ کر اپنے نائب سفیروں کو چارج سونپا ہے۔
