14 دسمبر ، 2018 
پاکستان
منصورآباد میں واقع وہ اسکول جہاں سے نوجوانوں کی لاشیں برآمد ہوئیں—۔جیو نیوز اسکرین گریب
فیصل آباد: نجی اسکول سے 2 نوجوانوں کی لاشیں برآمد
14 دسمبر ، 2018
فیصل آباد: صوبہ پنجاب کے شہر فیصل آباد کے علاقے منصورآباد میں واقع ایک نجی اسکول سے دو نوجوانوں کی لاشیں برآمد ہوئی ہیں۔
پولیس کے مطابق رات 3 بجے کے قریب اہل علاقہ نے فائرنگ کی آواز سن کر پولیس کو اطلاع دی۔
جس کے بعد پولیس جائے وقوع پر پہنچی اور تلاشی کے دوران دونوں نوجوانوں کی لاشیں برآمد ہوئیں۔
پولیس کے مطابق نوجوانوں کی شناخت 22 سالہ ساجد اور 23 سالہ وقاص کے نام سے ہوئی، جو آپس میں دوست ہیں۔
ابھی تک قتل کی وجوہات سامنے نہیں آسکیں، تاہم تھانا منصور آباد پولیس نے لاشیں تحویل میں لے کر کارروائی کا آغاز کردیا۔
