پاکستان
04 اگست ، 2012
04 اگست ، 2012 
چور راستے سے اقتدار میں آنیوالوں کی خواہش پوری نہیں ہوگی، وزیراعظم
04 اگست ، 2012
اسلام آباد … وزیراعظم راجا پرویز اشرف نے کہا ہے کہ وہ الیکشن سے نہیں ڈرتے، الیکشن ان کا میدان ہے اور وہ ہر وقت اس میں جانے کیلئے تیار ہیں، چور راستے سے اقتدار میں آنے والوں کی خواہش پوری نہیں ہوگی۔ اسلام آباد میں اپنے حلقے کے عمائدین کے اعزاز میں دیئے گئے افطار ڈنر سے خطاب کرتے ہوئے وزیراعظم راجا پرویز اشرف کا کہنا تھا کہ وہ صحتمند سیاست پر یقین رکھتے ہیں اور اپوزیشن کا احترام کرتے ہیں، تمام معاملات خوش اسلوبی سے طے کئے جائیں گے۔ وزیراعظم کا کہنا تھا کہ پیپلز پارٹی ہمیشہ عوام کے ووٹوں سے اقتدار میں آئی، مہنگائی اور بے روزگاری کے حل کیلئے اقدامات کئے گئے ۔
