23 جنوری ، 2019 
پی آئی سی انتظامیہ نے دباؤ پر نواز شریف کا صرف تھیلیم ٹیسٹ کرایا: ذرائع
23 جنوری ، 2019
ذرائع نے دعویٰ کیا ہے کہ پاکستان انسٹی ٹیوٹ آف کارڈیالوجی کی انتظامیہ نے دباؤ اور سیکیورٹی وجوہات کی بناء پر سابق وزیراعظم نواز شریف کا صرف تھیلیم کا ٹیسٹ کرایا گیا۔
ذرائع کا کہنا ہے کہ سابق وزیراعظم نواز شریف کی تھیلیم اسکین رپورٹ سامنے آ گئی ہے۔
ڈاکٹروں نے نواز شریف کے تھیلیم اسکین کو غیر تسلی بخش قرار دے دیا۔
اسپتال ذرائع کا بتانا ہے کہ نواز شریف کے دل کی ایک شریان معمول سے زیادہ تنگ ہے، شریان میں رکاوٹ کے باعث دل کے نچلےحصے میں خون کی سپلائی متاثر ہے۔
خیال رہے کہ 16 جنوری کو جناح اسپتال کے میڈیکل بورڈ نے نواز شریف کا طبی مائنہ کیا تھا۔
ہیڈ آف میڈیسن ڈپارٹمنٹ پروفیسر تنویرالاسلام نے نواز شریف کی انجیوگرافی کا مشورہ دیا تھا۔
نواز شریف کو 22 جنوری کو انجیو گرافی کے لیے پنجاب انسٹیٹوٹ آف کارڈیالوجی لایا گیا تھا۔
پی آئی سی میں نواز شریف کا صرف تھیلیم ٹیسٹ کیا گیا۔ ذرائع کا دعویٰ ہے کہ اسپتال انتظامیہ نے دباؤ اور سیکیورٹی وجوہات پر صرف تھیلیم ٹیسٹ کرایا۔
ذرائع کا کہنا ہے کہ انجیو گرافی ہوتی تو نواز شریف کو چند گھنٹے اسپتال میں رکھنا ضروری تھا۔
ذرائع کا کہنا ہے کہ نواز شریف کا تین سال پہلے بائی پاس ہو چکا ہے۔
