09 فروری ، 2019 
لاہور: سیشن کورٹ کے باہر فائرنگ، پیشی کیلئے آیا ہوا شخص جاں بحق
09 فروری ، 2019
لاہور: سیشن کورٹ کے باہر سخت سیکیورٹی کے باوجود نامعلوم افراد نےلڑکی کے اغوا میں نامزد ملزم کو فائرنگ کرکے قتل کردیا اور فرار ہو گئے۔
پولیس کے مطابق مغلپورہ کے رہائشی مقتول بلال کے خلاف تھانہ گجرپورہ کے علاقے میں لڑکی سے محبت کی شادی کرنے پر اغوا کا مقدمہ درج تھا، جو لڑکی کے ورثا کی جانب سے درج کروایا گیا تھا۔
مقتول بلال نے سیشن کورٹ سے عبوری ضمانت کرا رکھی تھی اور آج اسی کی تاریخ کے لیے سیشن جج مرزا شاہد بیگ کی عدالت میں پیشی کے لیے آیا تھا۔
تاہم عدالت میں داخل ہونے سے قبل ہی ایک موٹر سائیکل پر سوار دو افراد نے اسے فائرنگ کرکے قتل کردیا اور فائرنگ کے بعد ملزمان باآسانی فرار ہونے میں کامیاب ہوگئے۔
پولیس نے مقتول کی لاش کو پوسٹ مارٹم کے لیے بھجوا کر قتل کا مقدمہ درج کرلیا۔
دوسری جانب ملزمان کی تلاش شروع کردی گئی۔
مزید خبریں :
شیخ رشید صدر زرداری کے قتل کی سازش کے کیس سے بری
21 منٹ پہلے
پنجاب اسمبلی نے ترمیمی زرعی انکم ٹیکس بل منظور کرلیا
9 گھنٹے پہلے
کیا پیراتھائرائیڈکا علاج پاکستان میں ممکن ہے؟
12 گھنٹے پہلے
