صدر مملکت نے آئندہ مالی سال کے مالیاتی بل کی منظوری دے دی

اسلام آباد: صدر مملکت نے مالیاتی بل 19-2020 کی منظوری دے دی۔

آئندہ مالی سال کے مالیاتی بل کو قومی اسمبلی سے منظوری کے بعد صدرِ مملکت کو بھجوایا گیا تھا۔

ترجمان ایوانِ صدر کے مطابق صدر مملکت عارف علوی نے گزشتہ روز مالیاتی بل پر دستخط کردیے۔

واضح رہے کہ قومی اسمبلی سے آئندہ مالی سال کا بجٹ 28 جون کو منظور کیا گیا جب کہ ایوان نے مالیاتی بل پر اپوزیشن کی کٹوتی کی تمام تحریکیں مسترد کردیں۔

ایوان میں بجٹ کی شق وار منظوری کے موقع پر اپوزیشن کی جانب سے دفاعی بجٹ میں کٹوتی کی کوئی تحریک پیش نہیں کی گئی جس کے باعث ایوان نے وزارت دفاع کے تمام مطالبات زر منظور کیے اور دفاعی بجٹ کی مد میں 11 کھرب 53 ارب روپے کے بجٹ کی منظوری دی گئی۔

قومی اسمبلی: بجٹ پر اپوزیشن کی کٹوتی کی تحاریک کثرت رائے سے مسترد

قومی اسمبلی نے 11 کھرب 53 ارب روپے کا دفاعی بجٹ منظور کرلیا، اپوزیشن نے دفاعی بجٹ پر کٹوتی کی کوئی تحریک پیش نہیں کی

قومی اسمبلی میں آئندہ مالی سال 20-2019 کا بجٹ منظور

فنانس بل کی منظوری پر حکومتی اراکین نے وکٹری کے نشان بنائے، مسلم لیگ ن اور پیپلز پارٹی کے اراکین احتجاجاً اپنی نشستوں پر کھڑے ہو گئے۔