اسامہ بن لادن کا خاندان دنیا کے امیر ترین خاندانوں میں کیسے شامل ہوا؟
21 ستمبر ، 2019
عالمی دہشت گرد اُسامہ بن لادن ایک وقت میں دنیا کا مطلوب ترین شخص تھا لیکن بن لادن خاندان کا شمار دنیا کے امیر ترین خاندانوں میں ہوتا ہے۔
اُسامہ کے والد نے یمن سے سعودی عرب ہجرت کی تھی اور یہاں اس نے عمارتوں کی تعمیرات کا کام شروع کیا جہاں سے ترقی کرتے کرتے وہ سعودی عرب کے امراء میں شمار ہونے لگا۔
بن لادن خاندان 2009 میں سعودیہ کا پانچواں امیر ترین خاندان تھا، بن لادن خاندان نے تعمیرات کے علاوہ بیرون ملک سرمایہ کاری، تیل، سیمنٹ فیکٹری اور بینکنگ کے شعبوں میں سرمایہ کاری کررکھی ہے۔
واضح رہےکہ دو مئی 2011 کو امریکی خصوصی افواج کے ایک دستے نے خیبر پختونخوا کے شہر ایبٹ آباد میں دنیا کے سب سے مطلوب شخص اسامہ بن لادن، ان کے قریبی ساتھی ابو احمد الکویتی اور دیگر تین افراد کے خلاف رات گئے کارروائی کی اور انہیں ہلاک کردیا۔
