14 جنوری ، 2012 
ہانگ کانگ: پی آئی اے کی طیارے میں ہنگامہ آرائی پر پولیس طلب
14 جنوری ، 2012
ہانگ کانگ … ہانگ کانگ ایرپورٹ پر پی آئی اے کی پرواز پی کے 893 میں ایک مسافر کی ہنگامہ آرائی کے بعد طیارے پر پولیس طلب کرلی گئی۔ پی آئی اے ترجمان کے مطابق ہانگ کانگ سے اسلام آباد آنیو الا ایک مسافر اپنی نشست پر بیٹھنے کی بجائے طیارے میں ادھر ادھر گھوم رہا تھا عملے نے جب اسے بیٹھنے کو کہا تو وہ لڑنے جھگڑنے لگا اور طیارے کے دروازے پر کھڑے ہوکر دوسرے مسافروں کو طیارے میں سوار ہونے سے روکنے کی کوشش کی ، بعد میں عملے کی شکایت پر ہنگامہ آرائی کرنے والے مسافر کو ہانگ کانگ کی پولیس نے طیارے سے اتار کر حراست میں لے لیا ، ترجمان کے مطابق مسافر کو طیارے سے آف لوڈ کرکے پی آئی اے کی پرواز ایک گھنٹے تاخیر سے اسلام آباد کیلیے روانہ ہوئی ادھر ایرلائن ذرائع کا کہنا ہے کہ مسافر پاکستانی ہے اور اس کی طیارے میں پی آئی اے کے فلائٹ پرسر سے لڑائی ہوگئی تھی۔
مزید خبریں :
