01 نومبر ، 2019
عراق میں حکومت مخالف مظاہروں کے پیش نظر صدربرھم احمد صالح نےقبل از وقت پارلیمانی انتخابات کرانے کا عندیہ دیتے ہوئے کہا ہے کہ وزیراعظم عادل عبدالمہدی اپنے عہدے سے استعفیٰ دینے کیلئے تیار ہیں۔
صدر نے کہا کہ تشدد،طاقت کااستعمال ناقابل قبول ہے،مسئلےکاحل اصلاحات میں ہے۔
عراقی صدر نے اپنے خطاب میں کہا ہےکہ وزیراعظم عادل عبدالمہدی متبادل امیدوار دستیاب ہونے کی صورت میں مستعفی ہونےپرراضی ہیں،ملک میں امن قائم رکھنےکیلئےمتعدد پارٹیز، بلاکس سےانہوں نے خود مشاورت کی ہے،نیاانتخابی قانون پارلیمان میں آئندہ ہفتے پیش کیاجائےگا،نئےقانون سےشفاف ترین انتخابات کی راہ ہموارہوگی اور نئےانتخابی قانون کےمنظورہوتے ہی عام انتخابات کرادیے جائیں گے۔
خیال رہے کہ عراق میں مظاہرین وزیراعظم کے استعفے اور 60 دن میں عام انتخابات کامطالبہ کررہے ہیں ۔
گذشتہ ماہ سےجاری مظاہروں میں 250سےزائد افراد ہلاک اور ہزاروں زخمی ہوچکےہیں۔
عراق میں مظاہرین معاشی بدحالی، بے ضابطگیوں اور ناقص سہولیات کے خلاف یکم اکتوبر سے مظاہرے کررہے ہیں۔