Can't connect right now! retry

پاکستان
09 نومبر ، 2019

لاہور میں 2 گروہوں میں فائرنگ، 5 افرادجاں بحق

 تنازع کو ختم کرانے کے لیے واہگہ پولیس نے فریقین کوصلح کےلیے آج طلب کیا تھا،فوٹو: فائل

لاہور کے علاقے باٹا پور میں دیرینہ دشمنی پر دو گروہوں میں فائرنگ سے ایک راہ گیر سمیت 5 افرادجاں بحق اور 4 زخمی ہوگئے۔

پولیس کے مطابق لاہور کے نواحی علاقے ڈیال گاؤں میں میں کچھ عرصہ قبل رفاقت اور نذیر گروپ میں فائرنگ کا واقعہ پیش آیا تھا جس کے بعد سے دونوں گروہوں میں دشمنی چل رہی تھی۔

تنازع کو ختم کرانے کے لیے  واہگہ پولیس نے فریقین کوصلح کےلیے آج طلب کیا تھا۔

ایک گروہ مذاکرات کے لیے چوکی جارہا تھا کہ راستے میں گھات لگاکربیٹھے دوسرے گروہ نے اندھا دھند فائرنگ کردی جس کے نتیجے میں 3 افراد موقع پر  ہی جاں بحق ہوگئے جب کہ 6 افراد زخمی ہوئے جن میں سے 2 اسپتال میں دم توڑ گئے۔

پولیس کے مطابق مرنے والوں میں ایک راہ گیر بھی شامل ہے ۔

واقعے کے بعد پولیس نے فوری کارروائی کرتے ہوئے مرکزی ملزم رفاقت اوراس کے ساتھی شفیع کو گرفتار کرلیا۔

وزیر اعلی ٰاورآئی جی پنجاب نے واقعے کا نوٹس لیتے ہوئے تمام ملزمان کی فوری گرفتاری کا حکم دیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM