10 مارچ ، 2020 
پاکستان
ڈاکٹروں کے مطابق بچے کے سر اور گردن میں کافی گہرے زخم آئے ہیں،فوٹو،فائل
کراچی میں آوارہ کتوں کے کاٹنے سے 7 سالہ بچہ شدید زخمی
10 مارچ ، 2020
کراچی کے علاقے قیوم آباد میں آوارہ کتوں نے 7 سالہ معصوم بچے کو بھنبھوڑ کر لہولہان کردیا۔
جناح اسپتال کے ذرائع کے مطابق قیوم آباد سے سات سالہ بچے ایان ولد بخت زادہ کو پیر کی شام لہولہان حالات میں ایمرجنسی لایا گیا۔
ڈاکٹروں کے مطابق بچے کے سر اور گردن میں کافی گہرے زخم آئے ہیں، اسے جناح اسپتال کی ایمرجنسی میں طبی امداد دی گئی جب کہ بچے کو حفاظتی انجیکشن کا سلسلہ بھی شروع کردیا گیا ہے۔
اہل خانہ کے مطابق ایان گلی میں کھیلنے گیا تھا کہ آوارہ کتوں نے گھیرلیا، ڈاکٹروں کے مطابق اب اس کی حالت خطرے سے باہر ہے۔ تاہم اسے زخموں کی مرہم پٹی کے ساتھ ساتھ ویکسین مکمل کرنا ہوگی۔
