بی جے پی کی قیادت مسلمانوں کے خلاف بول رہی ہے: وزیراعظم
03 اپریل ، 2020
اسلام آباد: وزیراعظم عمران خان نے کہا ہے کہ بھارتیہ جنتا پارٹی (بی جے پی) کی قیادت مسلمانوں کے خلاف بول رہی ہے۔
ٹوئٹر پر جاری بیان میں وزیراعظم عمران خان نے بی جے پی رہنما سبرامنیم کی ویڈیو بھی شیئر کی۔
وزیراعظم کا کہنا تھا کہ بی جے پی قیادت آر ایس ایس کے نظریے سےمتاثر ہے اور 20 کروڑ مسلمانوں کے خلاف بول رہی ہے، نازی بھی یہودیوں کے بارے میں اسی طرح بولتے تھے۔
