11 مئی ، 2020
کورونا وائرس کے خدشے کے پیش نظر قومی اسمبلی کے اجلاس سے قبل احتیاطی اقدامات کیے گئے۔
کورونا وائرس کی صورتحال پر قومی اسمبلی کا اجلاس ہوا جس کی صدارت ڈپٹی اسپیکر قاسم سوری نے کی جبکہ اجلاس میں شرکت کے لیے آنے والے ارکان کا کورونا ٹیسٹ بھی لازمی تھا۔
اس کے علاوہ ارکان کی حفاظت کے لیے احتیاطی اقدامات بھی کیے گئے اور ایوان میں داخلے سے قبل ارکان کا ٹمپریچر چیک کیا گیا۔
ارکان کو ماسک اور دستانے بھی فراہم کیے گئے جبکہ اسمبلی ہال میں بھی نشستوں کے درمیان سماجی فاصلے کا خیال رکھا گیا۔
اجلاس شروع ہوا تو حکومتی بینچوں سمیت اپوزیشن ارکان بھی ماسک پہننا بھول گئے۔
خیال رہے کہ قومی اسمبلی کا اجلاس اب 13 مئی کو طلب کیا گیا ہے جہاں کورونا صورتحال پر مزید بحث کی جائے گی۔