14 مئی ، 2020 
عمران خان کی زیر صدارت وفاقی کابینہ کے سیکڑوں فیصلوں پر عملدر آمد نہ ہوسکا
14 مئی ، 2020
وزیراعظم عمران خان کی زیرصدارت وفاقی کابینہ کے اب تک 82 اجلاس ہوئے ہیں جن میں ہونے والے سیکڑوں فیصلوں پر عمل درآمد نہ ہوسکا۔
سرکاری ذرائع کے مطابق وزیراعظم عمران خان کی زیر صدارت 21 ماہ میں 82 اجلاس ہوئے جن میں ایک ہزار 630 فیصلے کیے گئے۔
ذرائع کے مطابق وفاقی وزارتیں، ڈویژنز اور ادارے وفاقی کابینہ کے 1630 فیصلوں میں سے 234 پر عمل درآمد میں ناکام رہے ہیں۔
ذرائع کا کہنا ہے کہ وفاقی کابینہ کے ایک ہزار 396 فیصلوں پر عمل درآمد کیاگیا ہے جب کہ 114 فیصلےعمل درآمد کے مرحلے میں ہیں اور 34 فیصلے عمل درآمد میں 3 ماہ سے بھی زیادہ تاخیر کاشکار ہیں۔
ذرائع نے بتایا ہے کہ وزیراعظم نے آئندہ کابینہ اجلاس میں گزشتہ فیصلوں پرعمل درآمد کی تفصیلات پیش کرنے کی ہدایت کی ہے ۔
خیال رہے کہ وفاقی کابینہ کے ارکان کی کل تعداد 51 ہوگئی ہے جن میں سے 19 افراد غیر منتخب ہیں۔
مزید خبریں :
ملتان میں فضائی معیار آج بھی انتہائی مضر صحت
2 گھنٹے پہلے
کراچی: مٹی کا تودہ گرنے سے 2 مزدور جاں بحق، ایک زخمی
9 گھنٹے پہلے
