09 فروری ، 2012 
لاہور :فیکٹری کے ملبے سے خاتون کی لاش برآمد،ہلاکتوں کی تعداد23 ہوگئی
09 فروری ، 2012
لاہور. . . . .. لاہور میں بوائلر پھٹنے سے تباہ ہونے والی فیکٹری کی عمارت کا ملبہ اٹھانے کا کام تیسری رات بھی جاری رہا۔ آج ملبے سے ایک اور خاتون کی لاش نکالی گئی جس کے بعد مرنے والوں کی تعداد 23 ہو گئی ہے۔ پیر کی صبح لاہور ملتان روڈ پر کھاڑک اسٹاپ کے قریب میں بوائلر پھٹنے سے تباہ ہونے والی فیکٹری کی عمارت کا ملبہ اٹھانے کا کام جاری ہے۔ صبح 4 بجے کے قریب ملبے سے ایک اور خاتون کی لاش نکالی گئی جس کے بعد مرنے والوں کی تعداد 23 ہوگئی ہے۔ اب تک 16 زخمیوں کو بھی ملبے سے نکالا جا چکا ہے۔ ریسکیو ذرائع کے مطابق اب بھی ملبے کے نیچے 7 سے 8 افراد کے دبے ہونے کا امکان ہے۔ تاہم ہیومن اسکینر کے ذریعے زندگی کے آثار نہیں مل رہے جس کی وجہ سے ملبہ ہٹانے کا کام تیز کر دیا گیا ہے اور کوشش ہے کہ ملبہ ہٹانے کے کام کو کل تک مکمل کرلیا جائے۔
مزید خبریں :
