دنیا
08 ستمبر ، 2012
08 ستمبر ، 2012 
صومالیہ میں امریکی جاسوس طیارے کاحملہ، 8 افراد ہلاک
08 ستمبر ، 2012
موغا دیشو… صومالیہ میں امریکی جاسوس طیارے کے حملے میں 8 افراد ہلاک اور 21زخمی ہوگئے۔ صومالیہ کے ذرائع ابلاغ کے مطابق امریکی جاسوس طیاروں نے بحر ہند کے کنارے واقع صومالیہ کے جنوبی علاقے کسمایو میں مشتبہ ٹھکانوں پر میزائل داغے۔ صومالیہ کی عسکری تنظیم الشباب کے ایک سینئر عہدیدار ابراہیم ابو یونس نے بتایا کہ حملوں میں 8 افراد ہلاک اور 21 سے زائد زخمی ہوگئے۔ ہلاک ہونے والے افراد میں عام شہری بھی شامل ہیں۔ واضح رہے کہ صومالیہ میں اس سے قبل بھی امریکی جاسوس طیاروں نے الشباب کے ٹھکانوں پربمباری کی ہے۔
