پاکستان
17 ستمبر ، 2020
17 ستمبر ، 2020 
جنوبی پنجاب سیکرٹریٹ کی افتتاحی تقریب بدنظمی کا شکار
17 ستمبر ، 2020
ملتان: سول سیکرٹریٹ جنوبی پنجاب کی افتتاحی تقریب بد نظمی کا شکار ہو گئی۔
ذرائع کے مطابق ملتان میں وزیراعلیٰ پنجاب عثمان بزدار کے ہاتھوں جنوبی پنجاب سول سیکرٹریٹ کی افتتاحی تقریب کا انعقاد کیا گیا تھا۔
تاہم سول سیکرٹریٹ جنوبی پنجاب کی افتتاحی تقریب عمران خان کی تصویر نہ ہونے پر بدنظمی کا شکار ہو گئی۔
ذرائع کا کہنا ہے کہ پاکستان تحریک انصاف کے ضلعی عہدیداروں نے احتجاج کیا تھا کہ تقریب میں وزیراعظم عمران خان اور وزیر خارجہ شاہ محمود قریشی کی کوئی تصویر کیوں نہیں لگائی گئی۔ بعدازاں پولیس نے احتجاج کرنے والے افراد کو پنڈال سے باہر بھیج دیا۔
خیال رہے کہ وفاقی حکومت نے مئی میں جنوبی پنجاب سیکرٹریٹ بنانے کی منظوری دی تھی۔
وفاقی حکومت نے 15 اکتوبر سے جنوبی پنجاب سیکرٹریٹ بحال کرنے اور 12 سیکرٹریز تعینات کرنے کی منظوری بھی دے رکھی ہے۔
