10 فروری ، 2012 
میمو کمیشن:منصورکا بیان آڈیو، وڈیو لنک سے ریکارڈ کیا جاسکتا ہے، جسٹس فائز
10 فروری ، 2012
اسلام آباد… میمو کمیشن کے سربراہ جسٹس فائز عیسی نے تجویز دیتے ہوئے کہا ہے کہ میمو گیٹ کے مرکزی کردار منصور اعجاز کا بیان لندن کے پاکستانی سفارت خانہ میں آڈیو ، وڈیو لنک کے ذریعہ ریکارڈ کیا جاسکتا ہے۔ اسلام آباد میں کمیشن کے اجلاس کی صدارت کرتے ہوئے انھوں نے کہا کہ اگر آڈیو ویڈیو کے ذریعہ منصور اعجاز کا بیان ریکارڈ کرلیا جائے تو اس سے کمیشن کے ویزے، سفری اخراجات ، سیکورٹی اور وقار کا مسئلہ بھی حل ہوجائے گا۔جس پر حسین حقانی کے وکیل زاہد بخاری نے کہا کہ تجویز پر رد عمل ظاہر کرنے کے لئے وقت چاہیے، انھوں نے دلائل دیتے ہوئے کہا کہ آڈیو ویڈیو لنک میں مسائل بھی پیش آ سکتے ہیں جس پر کمیشن نے کہا کہ کوئی مشکل پیش آئی تو دیکھ لیں گے ، ان کا اس بارے اپنے موکل سے بات کرنا ضروری نہیں۔ جسٹس قاضی فائز عیسی نے کہا کہ فیصلہ کمیشن نے کرنا ہے، وہ کمیشن کی معاونت کریں۔
