11 ستمبر ، 2012 
کراچی:گارمنٹ فیکٹری میں لگی آگ سے15افرادزخمی ،قابو کی کوششیں
11 ستمبر ، 2012
کراچی… بلدیہ ٹاوٴن میں گارمنٹس فیکٹری میں لگی آگ سے15افرادزخمی ہوگئے ہیں،ساتھی مزدوروں کا جیونیوز سے گفتگو کرتے ہوئے کہنا ہے کہ فیکٹری میں خواتین مزدوربھی پھنسی ہوئی ہیں، فیکٹری میں موجود افراد اپنی جان بچانے کیلئے ریسکیوٹیم کو ٹارچ کی روشنی سے اپنی نشاندھی کررہے ہیں جبکہ اسنارکل کے ذریعے فیکٹری کی چھتوں سے پھنسے لوگوں کواتاراجارہاہے فائر بریگیڈ حکام کا کہنا ہے کہ آگ تیسرے درجے کی ہے ،فائر بریگیڈ نے تمام گاڑیاں طلب کرلی ہیں۔۔ اس سے پہلے حب ریور روڈ پر واقع گارمنٹ فیکٹری اچانک لگنے والی آگ سے کئی مزدورفیکٹری میں پھنس گئے۔کراچی کے ضلع غربی میں واقع فیکٹری میں پھنسے مزدورکھڑکیاں اوردروازے توڑکرنکلنے کی کوششیں کی گئیں۔لیکن فیکٹری میں لگی آگ کی شدت میں اضافہ ہورہاہے۔
