کراچی …متحدہ قومی موومنٹ کے تحت ایم کیوایم کے کنوینرشہیدانقلاب ڈاکٹرعمران فاروق شہیدکی دوسری برسی انتہائی عقیدت واحترام سے منائی گئی اور شہیدکی روح کے ایصال ثواب کیلئے ملک بھرمیں قرآن خوانی وفاتحہ خوانی کے اجتماعات منعقدکئے گئے جبکہ برسی کامرکزی اجتماع عزیزآبادکے لال قلعہ گراؤنڈمیں منعقد ہوا جس میں شہیدکے والدین بیگم رئیسہ فاروق،محمدفاروق،شہیدکی سوگواربہنیں،دیگراہل خانہ،ایم کیوایم کی رابطہ کمیٹی کے ڈپٹی کنوینرزڈاکٹرمحمدفاروق ستار،انیس احمدقائمخانی،نسرین جلیل اورڈاکٹر نصرت ،اراکین رابطہ کمیٹی،حق پرست منتخب عوامی نمائندوں،شعبہ جات کے ارکان،کراچی کے سیکٹرزویونٹ کمیٹیوں کے ذمہ داران،کارکنان اورہمدردوں نے ہزاروں کی تعدادمیں شرکت کی اور ڈاکٹرعمران فاروق شہیدکو ان کی تحریکی خدمات پر زبردست خراج عقیدت پیش کیا۔اس موقع پرمعروف عالم دین مولانااسددیوبندی نے شہید انقلاب ڈاکٹرعمران فاروق کی مغفرت،ان کے درجات کی بلندی،سوگوارلواحقین خصوصاًوالدین کے صبرجمیل اورپاکستان کی بقاء و سلامتی ،حفاظت اورعالم اسلام میں اتحادواتفاق سمیت قائد الطاف حسین کی درازی عمرکیلئے انتہائی خصوع وخضوع کے ساتھ دعاکرائی۔کراچی کی طرح ڈاکٹر عمران فاروق شہیدکی دوسری برسی کے اجتماعات اندرون سندھ ، حیدر آباد ،سکھر ، نوابشاہ، سانگھڑ، بدین، لاڑکانہ ،نوشہرو فیروز، دادو، گھوٹکی، میر پور خاص ، ٹنڈ و لاہ یار ،عمر کوٹ، قمبر شہدا کوٹ، کشمور ، خیر پور، ٹھٹھہ، جیک آباد ، شکار پور ، جامشورو، صوبہ پنجاب، لاہور خبیر پختوانخواہ ، ملتان بلوچستان ،گلگت بلتستان سمیت آزاد کشمیر میں قائم ایم کیوایم کے صوبائی ،ضلعی اورزونل دفاترمیں بھی قرآن خوانی و فاتحہ خوانی کے اجتماعات منعقد کیے گئے جن میں ایم کیوایم کے ذمہ داران و کارکنان نے بڑی تعداد میں شر کت کی اورشہیدکی تحریکی خدمات پرزبردست خراج عقیدت پیش کیا ۔ دریں اثناء ایم کیوایم کی رابطہ کمیٹی کے ارکان واسع جلیل اورسلیم تاجک نے ایم کیوایم کے رہنماء عامرخان کے ہمراہ عزیز آباد میں شہداء قبرستان میں شہید انقلاب ڈاکٹر عمران فاروق کی قبر پر حاضری دی ۔ قائد تحریک الطاف حسین کی جانب سے قبرپرپھولوں کی چادر چڑھائی اور فاتحہ خوانی کی ۔اس موقع پران کے ہمراہ حق پرست عوامی نمائندے ، کراچی تنظیمی کمیٹی کے ارکان اوردیگربھی موجودتھے۔دریں اثناء متحدہ قومی موومنٹ کی رابطہ کمیٹی کے ڈپٹی کنوینرڈاکٹرمحمدفاروق ستارنے کہاہے کہ شہیدانقلاب ڈاکٹرعمران فاروق شہیدایم کیوایم کے کنوینرتھے تحریک میں ڈاکٹرعمران فاروق شہیدکی قربانیوں کوہمیشہ یادرکھا جائے۔ان خیالات کااظہارڈاکٹرفاروق ستارنے اتوارکے روزشہیدانقلاب ڈاکٹرعمران فاروق شہیدکی دوسری برسی کے موقع پرلال قلعہ گراؤنڈعزیزآبادمیں قرآن خوانی وفاتحہ خوانی کے بعدمیڈیاکے نمائندوں سے غیررسمی گفت گو کرتے ہوئے کیا۔ڈاکٹرفاروق ستارنے ڈاکٹرعمران فاروق کی خدمات پربردست خراج عقیدت پیش کرتے ہوئے کہاکہ آج شہید انقلاب ڈاکٹرعمران فاروق کی دوسری برسی ہے اس موقع پربشمول متحدہ قومی موومنٹ کے کارکنان جولوگ بھی انکی محبت میں انہیں یادکرنے کیلئے آج برسی کے اجتماع میں یہاں آئے ہیں میں ان کاقائدتحریک الطاف حسین کی جانب سے شکریہ اداکرتاہوں۔انہوں نے دعاکی کہ اللہ تعالیٰ ڈاکٹرعمران فاروق شہید کی مغفرت فرمائے اورانکے سوگواروالدین ،اہل خانہ اورقائدتحریک الطاف حسین کوصبرجمیل عطافرمائے۔