سیاحتی مراکز کیلئے 83 کروڑ روپے کی لاگت سے رابطہ سڑکوں کے منصوبے کا افتتاح

وزیراعلیٰ پنجاب عثمان بزدار نے ورلڈ بینک کی مالی معاونت سے سیاحتی مراکز کے لیے 83 کروڑ روپے کی لاگت سے رابطہ سڑکوں کے منصوبے کا افتتاح کر دیا۔

ایوانِ وزیراعلیٰ میں پنجاب ٹورازم فار اکنامک گروتھ منصوبے کی تقریب منعقد ہوئی۔ اپنے خطاب میں وزیراعلیٰ عثمان بزدار کا کہنا تھا کہ سیاحت وزیراعظم کے دل کے قریب ہے، اس کو بہتر بنانے کے لیے فنڈز کی کمی نہیں آنے دیں گے۔

عثمان بزدار کا کہنا تھا کہ منصوبے کے پہلے مرحلے میں 83 کروڑ روپے کی لاگت سے چکوال، خوشاب اور میانوالی سمیت چار اضلاع کی 6 سڑکیں تعمیر کی جائیں گی۔ بہاولپور اور ڈی جی خان میں بھی ڈبل ڈیکر بسیں چلائیں گے۔

اس موقع پر مشیر سیاحت آصف محمود اور چیئرمین پلاننگ اینڈ ڈویلپمینٹ حامد یعقوب نے تقریب کے شرکاء کو منصوبے کی تفصیلات سے آگاہ کیا۔