21 دسمبر ، 2020 
نیوزی لینڈ میں 5 ٹی ٹوئنٹی کیلیے پاکستان شاہینز ٹیم کا اعلان
21 دسمبر ، 2020
پانچ ٹی ٹوئنٹی میچوں کے لیے پاکستان شاہینز کے 15 کھلاڑیوں کے ناموں کا اعلان کردیا گیا۔
نیوزی لینڈ کے خلاف قومی ٹی ٹوئنٹی اسکواڈ میں شامل 10کرکٹرز 23 دسمبر کو ترنگا سے ہملٹن پہنچ کر پاکستان شاہینز کو جوائن کرلیں گے، ان کھلاڑیوں میں حیدر علی، خوشدل شاہ، محمد حسنین، حارث رؤف، عثمان قادر، موسیٰ خان، وہاب ریاض، افتخار احمد، عبداللہ شفیق اور حسین طلعت شامل ہیں۔
پاکستان شاہینز میں روحیل نذیر (کپتان، وکٹ کیپر)، حیدر علی، ذیشان ملک، عماد بٹ، ظفر گوہر، دانش عزیز، افتخار احمد، خوشدل شاہ،حسین طلعت، محمد حسنین، حارث رؤف، عثمان قادر،وہاب ریاض، موسیٰ خان اور عبداللہ شفیق شامل ہیں۔
فاسٹ بولر حارث رؤف سیریز کے اختتام پر 6 جنوری کو آسٹریلیا روانہ ہو جائیں گے جہاں بگ بیش لیگ میں میلبرن اسٹارز کو دستیاب ہوں گے۔
پاکستان شاہینز کے میچز کا شیڈول اس طرح ہے۔
27 دسمبر: پاکستان شاہینز کا پہلا ٹی ٹوئنٹی میچ، بمقابلہ ناردرن نائٹس بمقام ہملٹن
29 دسمبر: پاکستان شاہینز کا دوسرا ٹی ٹوئنٹی میچ، بمقابلہ ویلنگٹن فائر برڈزبمقام ویلنگٹن
01 جنوری: پاکستان شاہینز کا تیسرا ٹی ٹوئنٹی میچ، بمقابلہ کینٹر بری بمقام لنکن
3 جنوری: پاکستان شاہینز کا چوتھا ٹی ٹوئنٹی میچ، بمقابلہ نیوزی لینڈ الیون، بمقام لنکن
5 جنوری: پاکستان شاہینز کا پانچواں ٹی ٹوئنٹی میچ، بمقابلہ نیوزی لینڈ الیون، بمقام لنکن
پاکستان شاہینز کا اسکواڈ 7 جنوری جب کہ قومی ٹیسٹ اسکواڈ 9 جنوری کو پاکستان روانہ ہوگا۔
