19 ستمبر ، 2012 
ٹی20ورلڈ کپ:آسٹریلیا نے آئرلینڈ کو 7وکٹوں سے ہرادیا
19 ستمبر ، 2012
کولمبو…ٹی 20ورلڈ کپ کے بدھ کو ہونے والے میچ میں آسٹریلیا نے آئرلینڈ کو سات وکٹ سے ہرادیا۔اس سے قبل کولمبو کے پریما داسا اسٹیڈیم میں ہونے والے اس میچ کا ٹاس آئرلینڈ کے کپتان پورٹ فیلڈ نے جیت کر پہلے بیٹنگ کا فیصلہ کیا،اور اپنے مقررہ بیس اوورز میں سات وکٹوں کے نقصان پر 123رنز کا مجموعہ ترتیب دیا جس میں کیون اوبرائن 35،نیل اوبرائن 20کے علاوہ کوئی اور بیٹسمین قابل ذکر اسکور نہ کرسکا،جبکہ کینگروز کی جانب سے شین واٹسن نے 3،اسٹارک نے 2، میکس ویل اور ہوگ نے ایک ایک وکٹ اپنے نام کی۔جواب میں کینگروز نے مطلوبہ ہدف تین وکٹوں کے نقصان پر صرف 15.1اوورز میں حاصل کرلیا ،آسٹریلیا کی جانب سے واٹسن نے 51کی شاندار اننگز تراشی،وارنر 26اور کیمرون وائٹ 22دیگر قابل ذکر بیٹسمین تھے،کپتان بیلی 6رنز بناکر ناٹ آؤٹ رہے۔آئرش بولروں میں صرف ڈوکرین اور کیون برائن نے ایک ایک وکٹ حاصل کی۔آسٹریلیا کے شین واٹسن کو انکی شاندار آل راؤنڈ پرفارمنس پر میچ کا بہترین کھلاڑی گردانا گیا۔
مزید خبریں :
