شادی سے انکار پر ملزم کی فائرنگ سے 2 بہنیں جاں بحق
13 جنوری ، 2021
لاہور کے علاقے فیکٹری ایریا میں ملزم کی فائرنگ سے زخمی ہونے والی دوسری بہن بھی اسپتال میں دم توڑ گئی
پولیس کے مطابق ملزم عبد اللہ غازی روڈ کی رہائشی لڑکی کائنات سے شادی کرنا چاہتا تھا۔
لڑکی کے انکار پر ملزم اس کے گھر گھس گیا اور اندھا دھند فائرنگ کر دی جس کے نتیجے میں 23 سالہ کائنات موقع پر جاں بحق جب کہ اس کی بہن ایمن زخمی ہوگئی۔
زخمی حالت میں ایمن کو اسپتال داخل کرایا گیا جہاں وہ بھی زخموں کی تاب نہ لاتے ہوئے دم توڑ گئی۔
پولیس نے ملزم کو گرفتار کر کے اسلحہ برآمد کر لیا ہے۔
