25 جنوری ، 2021 
دنیا
گزشتہ روز بحری قزاقوں نے ایک ترک کارگوجہاز پر حملہ کرکے آزربائیجانی شخص کو ہلاک اور عملے میں شامل 15 ترک باشندوں کو یرغمال بنالیا تھا،فوٹو: فائل
ترکی نے بحری قزاقوں کے حملے میں یرغمال بنائےگئے شہریوں کی رہائی کی کوششیں شروع کردیں
25 جنوری ، 2021
نائیجریا کے سمندر میں کارگو جہاز پر قزاقوں کے حملے میں یرغمال بنائے گئے ترک شہریوں کی رہائی کی کوششیں شروع کردی گئیں۔
ترک وزیر خارجہ کے مطابق شہریوں کی رہائی کے لیے تمام ملکوں سے ضروری رابطے کیے گئے ہیں۔
ترک حکام کے مطابق جہاز میں باقی رہ جانے عملے کے افراد کا کہنا ہے کہ قزاقوں نے جہاز کے تمام کیبل کاٹ دیے ہیں صرف راڈار کام کررہا ہے۔
واضح رہے کہ گزشتہ روز بحری قزاقوں نے ایک ترک کارگوجہاز پر حملہ کرکے آزربائیجانی شخص کو ہلاک اور عملے میں شامل 15 ترک باشندوں کو یرغمال بنالیا تھا۔
