پیار ہمیں کس موڑ پہ لے آیا! چالان ہونے پر ویویک اوبرائےکا شاعرانہ ردعمل

بالی وڈ اداکار  ویویک اوبرائے نے بغیر ہیلمٹ موٹر بائیک چلانے پر چالان ہونے  پر شاعرانہ انداز میں ردعمل دیا ہے۔

خیال رہے کہ ویویک اوبرائے نے انسٹاگرام پر ویلینٹائن ڈے کے موقع پر اپنی اہلیہ کے ساتھ موٹربائیک چلاتے ہوئے ایک ویڈیو شیئر کی تھی اور مداحوں کو ویلینٹائن ڈے کی مبارک باد بھی دی تھی۔

ویوک اوبرائے کو اہلیہ کیساتھ موٹربائیک کی ویڈیو پوسٹ کرنا مہنگا پڑ گیا، جرمانہ بھی عائد

اداکار ویوک اوبرائے نے ویلینٹائن ڈے کے موقع پر اپنی اہلیہ کے ساتھ موٹربائیک چلاتے ہوئے ایک ویڈیو شیئر کی تھی

 موٹر بائیک چلاتے وقت ویویک اوبرائے نے ہیلمٹ اور ماسک نہیں پہنا ہوا تھا جس کی وجہ سے پولیس نے ان کے خلاف ایف آئی آر درج کرلی ہے اور ہیلمٹ نہ پہننے پر 500 بھارتی روپےکا چالان بھی کردیا ہے۔

 ویویک اوبرائے نے اب ٹوئٹر پر چالان کا شاعرانہ ردعمل دیتے ہوئے ممبئی پولیس کا شکریہ بھی ادا کیا ہے۔

 اداکار کا کہنا تھا کہ ' پیار ہمیں کس موڑ پہ لے آیا! نکلے تھے بائیک پر ہم اور ہماری جان، بنا ہیلمٹ کے کٹ گیا چالان۔ ہیلمٹ کے بنا سواری پر ممبئی پولیس پکڑ لے گی، مجھے یہ احساس دلانے کے لیے کہ حفاظتی اقدامات بہت ضروری ہیں،شکریہ ممبئی پولیس'۔

انہوں نے مداحوں سے بھی اپیل کی کہ برائے مہربانی اپنی حفاظت کا خیال رکھیں اور ہیلمٹ اور ماسک ضرور پہنیں۔

خیال رہے کہ بھارتی ریاست مہاراشٹرا میں کورونا وائرس کے کیسز میں تیزی سے اضافہ ہو رہا ہے جس کہ وجہ سے یہاں ماسک نہ لگانے والوں کے خلاف سخت کارروائی کی جا رہی ہے۔